ЖББ №5 мектеп жанындағы «Күншуақ» жазғы демалыс орталығының балалары Балқаш қаласының тарихи- өлкетану мұражайына саяхатқа барды. Саяхат барысында оқушылар мұражайдың тарихи және архитектуралық ескерткіш болып табылатынын білді. Мұражайды аралау алғашқы адамдардың еңбек және аң аулау құралдарынан құралған экспонаттармен танысудан басталды саяхат жүргізуші балаларды біздің өлкеміздің, қаламыздың табиғатымен, жануарлар әлемімен таныстырды. Балалар біздің өлкеміздің, қаламыздың аумағында мекендейтін ірі және ұсақ жабайы дала аңдарымен танысты. Мұражайдағы балықтар мен құстардың алуан түрлілігі де балаларды қызықтырмай қоймады. Балалар киіз үй жабдықтарын, еңбек құралдарын, ескі күміс ақшаларды, сарбаздардың жарақтарын қызыға тамашалады. Балқаш кен байыту зауытының өнімдерімен танысты.
Сонымен қатар, мұражай қызметкерлері балаларға арнап қызықты ойындар өткізді. Саяхат балалардың бәріне өте ұнады. Олар білімдерін кеңейтіп, көтеріңкі көңіл-күймен оралды.
