«Кітаппен жаз қызық»
Балқаш қаласы білім бөлімінің “№5 жалпы білім беретін мектебі” КММ –нің кітапханасы 17 мамырда «Оқуға құштар мектеп» жобасы аясында жазғы демалыс қарсаңында 1-11 сынып оқушылары үшін «Демалыста кітап оқимыз!»,«Кітаппен жаз қызық» атты буккроссингі ұйымдастырылды. Осы орайда мектебіміздің екінші қабатында ұйымдастырылған буккроссингте (bookcrossing) оқушылар оқыған кітаптары туралы өз ойларымен бөлісе отырып, өздері оқыған әдеби кітаптарын оқуға кеңес берді.Атап айта кететін болсақ 10 сынып оқушылары : Н.Сейлғазин І.Есенберлиннің «Жанталас» тарихи романын, А. Бөгенбай Ф.Оңғарсынованың «Сөз сыры», Н.Қымыран Қ.Омарұлының «Әке»повесін , Д.Асқар С.Мұратбековтың «Жабайы алма» повесін, Ә. Сағатбек Ә.Нұршайықовтың «Махаббат қызық мол жылдар» романын, А.Арманқызы О.Бөкейдің «Қар қызын», 4Ә сынып оқушылары Ә.Исаханқызы, Н.Ибраш, Г.Русланқызы , Ж.Төребек, Ж.Айдынұлы өздерінің оқыған сүйікті ертегілері туралы ойларымен бөлісе отырып,оқырмандарды кітап оқуға шақырды.
«Буккроссингтің» басты мақсаты ол − үйімізде шаң тозаң болып жатқан немесе оқылған кітаптарға «екінші өмір сыйлау»; оқырмандар арасында «кітап алмастыру» акциясын жүргізу; әр түрлі жастағы оқырмандарды кітап оқуға шақыру; кітапханаға оқырмандарды тарту; күнделікті өмірдегі әр оқырманның кітап оқу әрекетін танымал етуге өз үлесін қосу; әлемді үлкен кітапханаға айналдыру. Жас ұрпақтың өскелең талабын қанағаттандыруда, рухани байлығын, ой-өрісін дамытуда, жоғары эстетикалық талап –талғамын қалыптастыруда ең үлкен де ұлы тәрбие құралы – кітап екенін түсіндіру.
Шараны ұйымдастыруға белсене ат салысқан ағылшын тілі пәнінің мұғалімі И.Ж.Жуматоваға рақметімізді айтамын.
Кітапхана меңгерушісі : К.Ш.Махашова.
#демалыстакітапоқимыз!