2025 жылдың 27 наурызында ,,Қазақ тілі мен әдебиеті, тарих пәндері” бірлестігінің №4 отырысы өткізілді. Бұл отырыста III тоқсан бойынша оқушылардың үлгерімі мен білім сапасының қорытындысы сараланып, талданды.
«Қазақ тілі мен әдебиеті сабақтарында тіл дамыту жұмыстарын ұйымдастыру» тақырыбында баяндама тыңдалды.
Баяндаманы қазақ тілі мен әдебиеті пәнінің мұғалімі Қуанышбаева М.А. ұсынды. Ол өз сөзінде тіл дамыту жұмыстарын жүйелі ұйымдастырудың маңыздылығына тоқталып, сабақ барысында қолдануға болатын әдіс-тәсілдерді ұсынды. Қазақ тілі мен әдебиеті пәнінде тіл дамыту жұмыстарын тиімді ұйымдастыру арқылы оқушылардың сөздік қорының кеңеюі, ойлау қабілетінің дамуы және шығармашылық қабілеттерінің артуы қамтамасыз етілетіні айтылды.
Мұғалімдердің өзіндік білім жетілдіруі мәселесі бойынша мұғалімдердің кәсіби біліктілігін арттыру мерзімдері туралы айтылды. Қазіргі заман талабына сай мұғалімдер үздіксіз өзін-өзі жетілдіріп, жаңашылдықтарды меңгеруі қажет. Бұл бағытта түрлі курстарға қатысу, педагогикалық тәжірибе алмасу, ғылыми-әдістемелік зерттеулер жүргізу маңызды екендігі талқыланды. Мұғалімдер өзара пікір алмасып, үздіксіз білім жетілдіруде қандай ресурстарды пайдалануға болатынын ортаға салды.
Бұл отырыс мұғалімдер үшін тәжірибе алмасудың, өзара қолдау көрсетудің маңызды алаңы болды. Жиналыс қорытындысы бойынша алдағы жұмыс жоспарлары бекітіліп, жаңа тоқсанда атқарылатын шаралар белгіленді.
