Балқаш қаласы С.Сейфуллин атындағы орталықтандырылған кітапхананың ұйымдастыруымен, 31 мамыр күні- бала кезінде аты аңызға айналған, қазақ баласының бірнеше буыны үлкен экраннан көріп өскен, Бердібек Соқпақбаевтың шығармасы негізінде режиссер Абдолла Қарсақбаев экранға шығарған «Менiң атым Қожа» фильмiнде басты рөлді сомдаған актёр, кино- сценарист, кино-драматург, философия ғылымының кандидаты – Нұрлан Санжарұлымен кездесу өтті. Кездесуге қала мектептері мұғалімдері, кітапханашылары мен оқушылар қатысты. Кездесу барысында фильмнен үзінділер көрсетілді, кейіпкер туралы ақпараттар айтылды.
Мектебіміздің 5 «Ә» сынып оқушылары «Менің атым Қожа» фильмінен сахналық қойылымын тарту етті. Қожаның рөлінде: Каиров Нурали, Жанар- Қанат Айым, мектеп директоры- Сатыбалды Ерасыл, Майқанова- Тілеуберді Айару, әжесі- Карибаева Ясмина, анасы- Қабдрақым Аружан, Жантас- Сәрсенқұл Мейіржан, сынып старостасы- Қуанқызы Ақнұр, Темір- Оңғарбек Әлішер, Қожаның сыныптастарының рөлін- Қожабекова Сезім мен Мақсұт Абдуррахман сомдады.
Актер оқушылардың болашақ өміріне азық боларлық дүниелерді айта отырып, өз өмірінен сырға толы оқиғаларымен бөлісті. Кездесуде оқушылар сұрақтар қойып, қолтаңба алып, естелік суретке түсті. Жиналған көрермендер үшін бұл рухани демалыс болды. Киелі қаламызда осындай шаралардың саны арта түссін демекпіз, Нұрлан аталарының жолын қуып, актерлік шеберліктерін көрсете білген оқушыларымызға алғыс білдіреміз.
Имангалиева Ж.М. қазақ тілі мен әдебиеті пәні мұғалімі
Ибраева Л.Т. сынып жетекші
