Балқаш қаласы білім бөлімінің «№5 жалпы білім беретін мектебі»КММ-де 10.09.2024 күні сағат 17.00-де 1-11 сыныптың ата-аналарымен «Әділетті Қазақстан-Адал азамат-Озық ойлы ұлт» тақырыбында жалпы ата-аналар жиналысы өтті.
Күн тәртібінде:
1.2024-2025 оқу жылының басталуы туралы
2. «Біртұтас тәрбие »бағдарламасын іске асыру
3.Ата-аналарды педагогикалық-психологиялық қолдау жобасы
4.Мектептің ішкі тәртіп ережесі,мектеп формасына қойылатын талаптар
5.Әр түрлі мәселелер қаралды.
Жиналысқа Балқаш қаласы ЖПКБ ЮПТ учаскелік полиция капитаны Қоразбаев Нұрлыжан Айтмағамбетұлы,Қамқоршылық кеңесі, әкелер кеңесі,аналар мектебі және ата-аналар шақырылды.
Мектеп директоры Балапанова Гаухар Жасымбековна 2023-2024 оқу жылы бойынша атқарылған жұмыстарға тоқтала келе, 2024-2025 оқу жылындағы оқу ,тәрбие үрдісі бойынша ерекшеліктер туралы айтып өтті.Директордың тәрбие ісі жөніндегі орынбасары Шакижанова Алма Конысбаевна 2024 -2025 оқу жылындағы «Біртұтас тәрбие» бағдарламасындағы өзгерістерге тоқталды. Қазақстан Республикасының Президенті Қ.Тоқаев 2024 жылы Ұлттық құрылтайдың «Адал адам-Адал еңбек-Адал табыс»атты үшінші отырысында елімізді дамытуға қатысты маңызды бастамалар көтерді.Еліміздің болашағы негізгі сұлбасын «Әділетті Қазақстан-Адал азамат-Озық ойлы ұлт» деген үштаған арқылы сипаттады. 2024 жылы «Біртұтас тәрбие»бағдарламасының мазмұны Мемлекет басшысы айтқан жалпы ұлттық құндылықтарға сәйкес жаңартылғандығы туралы айтылды. Ата-аналарды педагогикалық-психологиялық қолдау жобасы бойынша жүргізілетін жұмыстармен таныстырылды.Мектептің ішкі тәртіп ережелерін қамтамасыз ету қағидалары, мектеп формасына қойылатын талаптар бойынша таныстырылды. Балқаш қаласы ЖПКБ ЮПТ учаскелік полиция капитаны Қоразбаев Нұрлыжан Айтмағамбетұлы ата-аналарға балалардың қауіпсізідігін бақылау, кешкі уақытта балалардың ата-анасынсыз жүрмеуі керектігі туралы айтып өтті. Жиналыс соңында ата-аналардың сұрақтары тыңдалып, тиесілі жауап берілді.
