«Нысаналы мектеп» жобасын іске асыру
2024 жылдың 12 қыркүйек күні Балқаш қаласы білім бөлімінің әдіскері, нысаналы мектеп менторы Айнабекова Куляш Каиркеновна «Барлығына қолжетімді сапалы білім» Ұлттық баяндамасы шеңберінде берілген «943 – елдің нысаналы мектептерін дамыту» жобасын іске асыру аясында мектепішілік түсіндірме жұмыстарын жүргізді.
Жобасының мақсаты: «Нысаналы мектептер» – жергілікті жерлерде білім беру процесін жақсарту үшін мақсатты мектептермен өзара әрекеттесу бойынша жұмыс құралдары мен тетіктерін ұсыну.
2023-2024 оқу жылындағы оқу-тәрбие процесіндегі басқару мен бақылау, педагогтердің кәсіби өсу деңгейі мен сапалық құрамы, білім сапасының көрсеткіші, өткізілген іс-шаралардың тиімділігі, жаңашыл жобалардың іске асырылуы бойынша жүргізілген SWOT талдауы жасалып, кеткен кемшіліктерді алдағы 2024-2025 оқу жылында болдырмау мақсатында міндеттер қойылды. Кездесу соңында кері байланыс орнатылды.
