2024 жылдың 14 тамызында Қарағанды облысы педагог қызметкерлерінің «Білім беруді цифрландыру: заман талабы мен мүмкіндіктері» тақырыбындағы Тамыз кеңесінің қазақ тілі мен әдебиеті мұғалімдеріне арналған секциялық отырысы өтті.
Тақырыбы : «Сапалы білім- Саналы ұрпақ-Табысты ұлт»
ҚО ББД ОӘО әдіскері Жаркеева Г.Б секциялық отырыстың өту барысын таныстырып өтті.
Секция отырысында Қарағанды қаласы білім бөлімінің «Ы. Алтынсарин атындағы мектеп -лицейі»КММ-нің басшысы Кенешова Р.А. «Білім беру саласындағы Ы.Алтынсариннің педегогикалық мұрасының өзектілігі» тақырыбындағы баяндамасы тыңдалды. Баяндамада Алтынсарин еңбектерінің негізінде кәсіптікке бейіндік бағдарламасы жасалып, іске асырылып жатқандығын айтып өтті.
Жалпы педагогика цифрлы оқыту технологияларымен тығыз байланысты. Цифрлы технологиялардың алуан түрлілігі білім алудың сапасын көтеріп қана қоймай, білім алудың жаңа тәсілдерін құруға да мүмкіндік беріп отыр.
Осы орайда ,Сулейменова М.М Ы.Алтынсариннің «Дүние қалай етсең табылады»әңгімесін «Өзгеріс» концептісі және құндылықтар негізінде қалай оқытуға болады?»., Барлыбаева Г.Т., «Қазақ тілін оқытудағы мультимедиялық бағдарламалар».,Бакирова А.Д.««Joyteka» білім беру платформасының сервистері»., Жасымбекова Н. М.«Оқушылармен кері байланыс жүргізуде «Plickers», «Wordwall» платформаларының тиімділігі».,Байыз Б.О.(Ақтоғай ауданы) «Қазақ тілін цифрлық технологиялар арқылы меңгерту үрдісі.,т.б. тақырыптарында әріптестеріміз цифрлық технологияларды тиімді пайдалану, цифрлық дағдыларды қалыптастыру жайында өз тәжірибелерімен бөлісті.
Отырыс соңында ҚО ББД ОӘО әдіскері Жаркеева Г.Б. «2024-2025 оқу жылында ҚР-ның жалпы білім беретін мектептерінде білім беру процесін ұйымдастырудың ерекшеліктері туралы» ӘНХ(жоба) талдап,сондай-ақ келер оқу жылында білім беру ұйымдарында атқарылатын жұмыстар ретімен таныстырды.
Жаңа технологияларды қолдану мұғалімнің кәсіби шеберлігіне , біліктілігіне,танымдылық деңгейіне тікелей байланысты.
Балқаш қаласы ЖББ№5 мектептің қазақ тілі мен әдебиет пән мұғалімі: Шаймерден Асем Маралқызы
@balqash_qbb
