⚜️ 17 наурыз – Шаңырақ күні ⚜️
Бұл күні отбасы құндылықтарын дәріптеуге арнау ұсынылады.
Отбасы құндылығы – қай заманда да, қай елде де мемлекет саясатының темір – қазығы, ардақ тұтар қазынасы. Қоғамдағы әр отбасының босағасының беріктігі – мемлекет іргетасының мығым әрі кемелдігінің кепілі. Қазақ халқы қашанда отбасын қасиетті құрылым ретінде қабылдап, зор маңыз беріп, мәнін қорғаған. «Ел болам десең, бесігіңді түзе» деп отбасындағы ұрпақ тәрбиесінің маңызын айқындаған.
